បែកធ្លាយពត៌មានព្រោងព្រាតពេញបណ្តាញសង្គម ចិនដើរចែកខិត្តបណ្ណជួញដូរផ្លូវភេទនៅក្រុងព្រះសីហនុ

**************

កាលពីពេលថ្មី ៗ នេះ គេសង្កេតឃើញអ្នកលេងបណ្តាញសង្គមបង្ហោះរូបថតជួញដូរផ្លូវភេទពាសពេញហ្វេសប៊ុក ដោយស្រ្តីសិចស៊ីនៅក្នុងខិត្តបណ្ណនោះជាជនជាតិចិន អង្គុយចោងហោងរាងអាសអាភាស ក្រោយពីការបង្ហោះរូបសិចស៊ីផ្សាយពាណិជ្ជកម្មផ្លូវភេទនោះមក ក៏មានមតិរិះគន់ជាច្រើនទាក់ទងនឹងសេវាផ្លូវភេទនេះ ព្រោះនៅប្រទេសកម្ពុជាមិនទាន់មានច្បាប់អនុញ្ញាតការជួញដូរផ្លូវភេទនៅឡើយ ហើយម្យ៉ាងទៀត ទើសទាស់នឹងវប្បធម៌ប្រពៃណីរបស់ខ្មែរផង ។

បន្ទាប់ពីមានមតិរិះគន់ព្រោងព្រាតរឿងចិនជួញដូរផ្លូវភេទនោះ ប៉ូលិសខេត្តព្រះសីហនុ​ ធ្វើការងារស្រាវជ្រាវរកអ្នកចែកខិត្តបណ្ណ ។

លោកឧត្ដមសេនីយ៍​ទោ​ជួន​ ណារិន​ ស្នងការ​នគរបាលខេត្តព្រះសីហនុ​ បានអោយដឹងថា​ នៅយប់ថ្ងៃ​ ១២​ ខែ​ សីហា​ ឆ្នាំ​ ២០១៨​ វេលា​ម៉ោង​ ១០​:៣០​ នាទី​ កំលាំងអធិការដ្ឋាននគរបាល​ក្រុងព្រះសីហនុ​សហការជាមួយកំលាំង នគរបាលប៉ុស្តិរដ្ឋបាលសង្កាត់ 4 បានធ្វើការឆ្មក់ចូលឃាត់ខ្លួនជនសង្ស័យដែល​បាន​ដើរចែកខិត្តប័ណ្ណផ្សព្វផ្សាយការងារ​ម៉ាស្សា បង្កប់ផ្លូវភេទ នៅតាមបន្ទប់ បឹងហ្គាឡូ​ ផ្ទះសំណាក់ សណ្ឋាគារ បានចំនួន​ 6 នាក់ ជាជនជាតិចិន នៅចំណុច ដងផ្លូវមុខសណ្ឋាគារខ្សាច់មាសស្ថិតក្រុម​ 17 ភូមិ 4 សង្កាត់​ 4 ក្រុងព្រះសីហនុ ​ ដែលមានឈ្មោះ ដូចខាងក្រោម

1- LI YU HANG ភេទប្រុស អាយុ 22 ឆ្នាំ
2- LI ZI MING ភេទប្រុស​ អាយុ​​ 34 ឆ្នាំ
3-FAN CHAOJUN ភេទប្រុស​ អាយុ 27 ឆ្នាំ
4- LU JIAN ភេទប្រុស​ អាយុ 29 ឆ្នាំ
5- LI ZHU ZHI ភេទប្រុស អាយុ 36 ឆ្នាំ
6- WEN XIAO HU ភេទប្រុស​ អាយុ 34 ឆ្នាំ

ដោយឡែកឈ្មោះ​ FU PENG PENG
ភេទប្រុស អាយុ 30 ឆ្នាំ ​ជនជាតិ ចិនត្រូវបាន ឃាត់ខ្លួននៅចំនុច ខាងក្រោយកាសុីណូ ប៉ាវម៉ាយ ក្រុម 17 ភូមិ 4 សង្កាត់​ 4 ក្រុងព្រះ សីហនុ ដោយបានបិទរូបភាពអាសអាភាសនៅកញ្ចក់ក្រោយរថយន្ត ។​​

ចំពោះការងារខាងលើយើងបានដកហូតសម្ភារះវត្ថុតាងមួយចំនួន ហើយក៍កំពុងបំពេញនិតិវិធីដើម្បីធ្វើការអប់រំ​ អោយបញ្ឈប់នូវសកម្មភាពអានាធិបតេយ្យ​ ដែល​ល្មើស​ច្បាប់​ ។